Web Analytics Made Easy - Statcounter
Home Videos Latest News Web Story

અરજદારે આચરેલો ગુનો નૈતિક અધઃપતનની શ્રેણીમાં આવે છે. - હાઈકોર્ટ

રાહુલ ગાંધી સામેના માનહાનિના કેસનો મામલો – હાઈકોર્ટનુ અવલોકન આવા કેસમાં થયેલી સજા સામે સ્ટે આપવો એ નિયમ નથી પરંતુ અપવાદ છે.

નીચલી અદાલતના સજાના હુકમ સામે સ્ટેની માગ કરતી રાહુલ ગાંધીની રિવિઝન અરજી હાઈકોર્ટે ફગાવી છે.

લિગલ કોરસ્પોન્ડન્ટ – કલાપીભાઈ બેરડિયા

કર્ણાટકના કોલાર ખાતે વર્ષ 2019ની લોકસભાની ચૂંટણીના પ્રચાર દરમિયાન કોંગ્રેસના તત્કાલીન અધ્યક્ષ રાહુલ ગાંધી દ્વારા મોદી અટકને લઇ વિવાદીત ટિપ્પણી કરવાના મુદ્દે તેમની સામે થયેલા માનહાનિ કેસમાં સુરતની સ્થાનિક કોર્ટે તેમને બે વર્ષની સજા ફટકારેલી છે. જે સજા સામે સ્ટેની માગ કરતી રાહુલ ગાંધીની રિવિઝન અરજી પર હાઈકોર્ટ  ફગાવી દીધી છે.

હાઈકોર્ટનુ અવલોકન છે કે, રાહુલ ગાંધીએ અસ્તિત્વમાં નથી તેવા આધાર પર સ્ટેની માગ કરી છે. રાજકારણમાં શુદ્ધતા હોવી જરૂરી છે. અરજદાર સામે દસ જેટલા કેસ પડતર છે. જેમાં વીરસાવરકરના પૌત્ર દ્વારા કરવામાં પૂણેમાં કરવામાં આવેલી ફરિયાદનો સમાવેશ થાય છે. રાહુલ ગાંધીએ કેમ્બ્રિજમાં વીર સાવરકરને લઈને વિવાદાસ્પદ નિવેદન આપેલુ. અરજદારની સ્ટેની માગ નકારવાથી તેને કોઈ અન્યાય થતો નથી, તેમને સ્ટે આપવાનુ કોઈ વાજબી કારણ જણાતુ નથી, ટ્રાયલ કોર્ટે તેમને દોષિત ઠેરવવાનો જે હુકમ કર્યો છે, તે યોગ્ય છે.

હાઈકોર્ટના અન્ય અવલોકન

રાહુલ ગાંધી દ્વારા કરવામાં આવેલી સ્ટેની રિવીઝન અરજીના કોઇ આધાર નથી અને સ્ટે આપવા માટે પૂરતા કારણો નથી. લોકપ્રતિનિધિ હોય તેવા વ્યકિતનું ચારિત્ર્ય શુધ્ધ હોવું જોઇએ. આ કેસ થયા બાદ પણ રાહુલ ગાંધી સામે બીજા કેસો થયા હતા. માનહાનિ કેસમાં થયેલી સજા સામે મનાઇહુકમ આપવો તે એક નિયમ નહી પરંતુ અપવાદ છે. નીચલી કોર્ટ દ્વારા આપવામાં આવેલો ચુકાદો યોગ્યવાજબી અને કાયદેસર હોઇ તેઓ ટ્રાયલ કોર્ટ સમક્ષ પોતાનો કેસ ચલાવી શકે છે.

રાહુલ ગાંધી સાંસદ રહ્યા હોવાથી સમાજમાં ઉચ્ચસ્થાન ધરાવે છે અને તેમની ફરજ છે કે, સમાજમાં કોઇપણ વ્યકિત પર કાદવ ઉછાળવો ન જોઈએ. તેમના દ્વારા કરાયેલી વિવાદીત ટિપ્પણી યોગ્ય કે વાજબી હોવાનું સાબિત થયુ નથી કે નીચલી કોર્ટે તે માન્યુ પણ નથી. તેમણે નમ્રતાનો ભંગ કર્યો છે અને જો તે કદાચ સ્વીકારાય તો પણ વ્યકિગત કે સામાજિક રીતે ખોટી હકીકતોના આધારે ચૂંટણી પ્રભાવિત ના કરે તે તેમની ફરજ છે. આ સંજોગોમાં રાહુલ ગાંધી દ્વારા આચરાયેલો ગુનો નૈતિક અધઃપતનની શ્રેણીમાં આવે છે.

હાઇકોર્ટે એમ પણ નોંધ્યું હતું કેમાનહાનિ એ જાહેર ચારિત્ર્યનો ગુનો છે કે જેમાં પ્રતિષ્ઠા અને પ્રતિષ્ઠાનો મૂળભૂત અધિકાર સામેલ છે. અરજદાર દ્વારા જાહેરમાં આ પ્રકારના ઉચ્ચારણો સમાજના ચોકક્સ વર્ગ અને ફરિયાદીની પ્રતિષ્ઠાને ગંભીર રીતે હાનિ કરનારા અને સમાજને વ્યાપક અસર કરનારા છે.