Web Analytics Made Easy - Statcounter
Home Videos Latest News Web Story

માલદીવના એક મીડિયા રિપોર્ટ અનુસાર ભારતીય પ્રવાસીઓએ હવે શ્રીલંકાના દરિયાકિનારાની મુલાકાત લેવાનું શરૂ કરી દીધું છે. જે બાદ શ્રીલંકાએ પ્રવાસીઓની સંખ્યાના મામલે માલદીવને પાછળ છોડી દીધું છે.

ભારત સાથે દુશ્મની માલદીવને મોંઘી પડી રહી છે, ભારતીય પ્રવાસીઓના કારણે શ્રીલંકા હવે માલદીવને ઘણું પાછળ છોડી ગયું છે. 4 વર્ષ બાદ શ્રીલંકાએ હવે વિદેશી પ્રવાસીઓના મામલે માલદીવને પાછળ છોડી દીધું છે. તાજેતરના ડેટા અનુસાર, ભારતીય પ્રવાસીઓની સૌથી વધુ સંખ્યા શ્રીલંકામાં રહી, ભારતીય પ્રવાસીઓ હવે માલદીવથી દૂર રહેવા લાગ્યા છે.

માલદીવના એક મીડિયા રિપોર્ટ અનુસાર શ્રીલંકાના દરિયાકિનારા હવે ભારતીય પ્રવાસીઓ માટે યોગ્ય સ્થળ સાબિત થઈ રહ્યા છે. જાન્યુઆરી મહિનાના આંકડા મુજબ માલદીવમાં 1 લાખ 92 હજાર પ્રવાસીઓ જ્યારે શ્રીલંકામાં 2 લાખ 8 હજાર પ્રવાસીઓ પહોંચ્યા હતા. શ્રીલંકા ટુરીઝમના ડેટા અનુસાર જાન્યુઆરી મહિનામાં ભારતમાંથી આવનારા પ્રવાસીઓની સંખ્યામાં 100 ટકાનો વધારો થયો છે. શ્રીલંકામાં ભારતીય પ્રવાસીઓની સંખ્યા 13 હજાર 759 થી વધીને 34,399 થઈ ગઈ છે. જો વર્ષ 2023ની વાત કરીએ તો જાન્યુઆરી મહિનામાં 17 હજાર 29 ભારતીય પ્રવાસીઓ માલદીવ પહોંચ્યા હતા, જ્યારે જાન્યુઆરી 2024માં માત્ર 15 હજાર 6 પ્રવાસીઓ જ માલદીવ પહોંચ્યા હતા.

આ રીતે પ્રવાસીઓના આંકડા બદલાયા

જાન્યુઆરી 2024માં ભારતમાંથી 34,399, રશિયાથી 31,159, બ્રિટનથી 16,665, જર્મનીથી 13,593 અને ચીનથી 11,511 પ્રવાસીઓ શ્રીલંકા પહોંચ્યા હતા. માલદીવના ટૂરિસ્ટ માર્કેટની વાત કરીએ તો જાન્યુઆરીમાં રશિયા પ્રથમ, ચીન બીજા, ઈટાલી ત્રીજા, બ્રિટન ચોથા અને ભારત પાંચમા ક્રમે છે. તમને જણાવી દઈએ કે લક્ષદ્વીપની મુલાકાત બાદ પીએમએ ફોટો શેર કરતા ભારતીયોને લક્ષદ્વીપ આવવાની અપીલ કરી હતી. આ દરમિયાન પીએમ મોદીએ કહ્યું હતું કે હવે લક્ષદ્વીપ માલદીવ જેવું થઈ ગયું છે. આ પછી માલદીવ અને ભારત વચ્ચે પ્રવાસનને લઈને વિવાદ શરૂ થયો. રિપોર્ટ અનુસાર, ગયા વર્ષે શ્રીલંકામાં કુલ 14 લાખ 87 હજાર પ્રવાસીઓ આવ્યા હતા, જ્યારે માલદીવમાં કુલ 18 લાખ 78 હજાર પ્રવાસીઓ આવ્યા હતા, પરંતુ વિવાદ બાદ હવે આંકડા બદલાયા છે.

એક અહેવાલ મુજબ તાજેતરમાં જ ભારતના વિદેશ મંત્રી એસ જયશંકરે પણ ભારતીય પ્રવાસીઓને શ્રીલંકા જવાની અપીલ કરી હતી. માલદીવના મંત્રીઓએ પીએમ મોદી વિરુદ્ધ અભદ્ર ટિપ્પણી કર્યા બાદ ભારતીયોએ સોશિયલ મીડિયા પર "માલદીવ્સ બોયકોટ" હેશટેગનો પણ ઉપયોગ કર્યો હતો. આ અભિયાનમાં ઘણા ભારતીય ખેલાડીઓ અને ફિલ્મ સ્ટાર્સે પણ ભાગ લીધો હતો.

માલદીવ પર્યટનથી ઘણી કમાણી કરે છે - અહેવાલ

ભારતીયોના બહિષ્કાર બાદ માલદીવના રાષ્ટ્રપતિ મોહમ્મદ મુઈઝુ ચીન ગયા હતા અને ત્યાંથી માલદીવ પાછા ફર્યા બાદ તેમણે ભારત વિરુદ્ધ ઝેર ઓક્યું હતું. એક રિપોર્ટ અનુસાર, મુઈઝુએ ચીની સરકારને ચીની પ્રવાસીઓને માલદીવ મોકલવાની પણ વિનંતી કરી હતી. તમને જણાવી દઈએ કે માલદીવની અર્થવ્યવસ્થામાં પ્રવાસનનું મોટું યોગદાન છે. ભારતના બહિષ્કાર બાદ માલદીવના પ્રવાસનને મોટો ફટકો પડ્યો છે.

આ પણ વાંચો : અમેરિકાના ફ્લોરિડામાં વિમાન ક્રેશ, ચાર ઘરોમાં લાગી આગ, પાયલોટ સહિત બેના મોત