Web Analytics Made Easy - Statcounter
Home Videos Latest News Web Story

ડૉ.એપીજે અબ્દુલ કલામનો જન્મ 15 ઓક્ટોબર 1931ના રોજ થયો હતો. આ દિવસે દેશમાં વિશ્વ વિદ્યાર્થી દિવસની ઉજવણી કરવામાં આવે છે  

દેશમાં 15 ઓક્ટોબરે વિશ્વ વિદ્યાર્થી દિવસની ઉજવણી કરવામાં આવે છે. ભૂતપૂર્વ રાષ્ટ્રપતિ ડૉ.એપીજે અબ્દુલ કલામની જન્મજયંતિ નિમિત્તે 15 ઑક્ટોબરના રોજ વિશ્વ વિદ્યાર્થી દિવસની ઉજવણી કરવામાં આવે છે. ડૉ.અબ્દુલ કલામ એક મહાન શિક્ષક, એક પ્રતિષ્ઠિત વૈજ્ઞાનિક અને મહાન રાજનેતા હતા. તેમણે 2002થી 2007 દરમિયાન ભારતના 11મા રાષ્ટ્રપતિ તરીકે કાર્યભાર સંભાળ્યો હતો. 

ડૉ. એપીજે અબ્દુલ કલામનો જન્મ 15 ઑક્ટોબર 1931ના રોજ રામેશ્વરમ, પામમ ટાપુમાં એક તમિલ મુસ્લિમ પરિવારમાં થયો હતો. ડૉ.એપીજે અબ્દુલ કલામ તેમના શાળાના દિવસોમાં સરેરાશ વિદ્યાર્થી હતા. તેમના શિક્ષકો માનતા હતા કે તે એક તેજસ્વી અને મહેનતુ વિદ્યાર્થી હતો અને શીખવાની તીવ્ર ઈચ્છા પણ હતી. તેમણે વાંચનનો એટલો બધો શોખ હતો કે તેઓ કલાકો સુધી બેસીને અભ્યાસ કરતા હતા. તેમને ગણિત પ્રત્યે ખૂબ પ્રેમ હતો.

બાળકોને સર્જનાત્મક બનાવવાનું કામ શિક્ષકનું

ભૂતપૂર્વ રાષ્ટ્રપતિ ડૉ.અબ્દુલ કલામ હંમેશા ઇચ્છતા હતા કે વિશ્વ તેમને એક શિક્ષક તરીકે યાદ કરે. 11માં રાષ્ટ્રપતિ તરીકેનો કાર્યકાળ પૂરો કર્યા બાદ ડૉ.અબ્દુલ કલામ બીજા જ દિવસે વિદ્યાર્થીઓને ભણાવવા ગયા. ભૂતપૂર્વ રાષ્ટ્રપતિ અબ્દુલ કલામ માનતા હતા કે, “શિક્ષકનો ઉદ્દેશ્ય ચારિત્ર્ય, માનવીય મૂલ્યોનું નિર્માણ, ટેક્નોલોજી દ્વારા બાળકોની શીખવાની ક્ષમતાને વધારવાનો અને બાળકોમાં નવીન અને સર્જનાત્મક બનવાનો આત્મવિશ્વાસ જગાડવાનો હોવો જોઈએ, જે તેમને ભવિષ્યનો સામનો કરવામાં પણ  ઘણી મદદ કરે છે.”

ડૉ. એપીજે અબ્દુલ કલામે કહેલી પ્રેરણાદાયી વાતો

- તમારા સપના સાકાર થાય તે પહેલા તમારે સ્વપ્ન જોવું પડશે

- સપના એ નથી કે જે તમે સૂતી વખતે જુઓ છો પણ સપના તો એ છે જે તમને ઊંઘવા પણ નથી દેતા

- આકાશ તરફ જુઓ, આપણે એકલા નથી કે જેઓ સ્વપ્ન જુએ છે અને મહેનત કરે છે, આખું બ્રહ્માંડ તેમની સાથે છે

- જો કોઈ દેશ ભ્રષ્ટાચાર મુક્ત હોય અને તમામ લોકો સારી શુદ્ધ માનસિકતા ધરાવતા હોય તો હું ચોક્કસ કહી શકું છું કે માત્ર 3 લોકો આવા છે

- જેઓ દેશનું નિર્માણ કરી શકે છે એ  માતા, પિતા અને ગુરુ

- મહાન સપના જોનારા મહાન લોકોના સપના હંમેશા સાકાર જ થાય છે

- વિદ્યાર્થીની સૌથી મહત્વની લાક્ષણિકતા એ છે કે પ્રશ્નો પૂછો અને તેમને પ્રશ્નો પૂછવા દો

- વિજ્ઞાન એ માણસ માટે એક સુંદર ભેટ છે અને આપણે તેને ગુમાવવી જોઈએ નહીં