Web Analytics Made Easy - Statcounter
Home Videos Latest News Web Story

પાકિસ્તાનમાં અત્યાચારના વિરોધ વચ્ચે બલૂચિસ્તાનના ડેરા બુગતી વિસ્તારમાંથી 10 લોકો ગુમ થયા છે. ત્યારે સ્થાનિક મીડિયાએ અહેવાલ આપ્યો છે કે પાકિસ્તાની સુરક્ષા દળોએ ગુપ્ત એજન્સીઓ સાથે મળીને સુઈ શહેરમાં ડોર ટુ ડોર સર્ચ ઓપરેશન હાથ ધર્યું હતું અને 10 લોકોનું અપહરણ કરવામાં આવ્યું હતું.

પાકિસ્તાની દળોએ જાફર કોલોનીમાં સર્ચ ઓપરેશન શરૂ કરવામાં આવ્યું છે. જેના પગલે GTAના પ્રમુખ અને જમ્હૂરી વતન પાર્ટીના કાર્યકર માસ્ટર મૌસ બક્ષ અને તેમનો પુત્ર ગુમ થયા છે. એ જ રીતે, ગોબર ખાન બુગતીના પુત્ર આતિફુલ્લાહને પાકિસ્તાની ગુપ્તચર એજન્સીઓએ અટકાયતમાં લીધો હતો અને ત્યાર પછી તે ગુમ થયો હતો. શનિવારે પાકિસ્તાની સુરક્ષા દળોએ એક વ્યક્તિના ઘરે દરોડો પાડી તેની ધરપકડ કરવામાં આવી હતી અને ત્યારથી તે ગુમ થઈ ગયો હતો. આ ઘટના પછી વ્યક્તિના પરિવારજનો અને સ્થાનિક લોકોએ રસ્તો બ્લોક કરી દીધો હતો.

બલૂચિસ્તાનમાં હિંસાથી અમેરિકા ચિંતિત

US કોંગ્રેસમેન બ્રેડ શેરમેને સિંધ ફાઉન્ડેશનના સૂફી લઘારી અને ફાતિમા સાથેની તેમની ચર્ચા સોશિયલ મીડિયા પર શેર કરવામાં આવી છે. તેમણે કહ્યું છે કે સિંધ પ્રાંતમાં લોકોના ગુમ થવા અને હત્યાના અહેવાલો સામે આવી રહ્યા છે. તેમણે માનવાધિકાર ઉલ્લંઘનનો વિરોધ કરી રહેલા નેતા મેહરંગ બલોચના કેસને ઉજાગર કર્યો છે અને તેણે લખ્યું કે મેહરંગ બલોચ 16 વર્ષની હતી જ્યારે તેના પિતાનું પાકિસ્તાની સુરક્ષા દળો દ્વારા અપહરણ કર્યું હતું. મેહરંગના પિતાની લાશ બે વર્ષ પછી મળી આવી હતી અને હવે તે ઈસ્લામાબાદમાં મહિલાઓની આગેવાની હેઠળના વિરોધનો ભાગ છે.

'બલૂચ નાગરિકો પર હિંસામાં પાકિસ્તાની સેના સામેલ'

દરમિયાન, બલૂચ યાકઝેહતી સમિતિ અને અન્ય અધિકાર સંગઠનોએ આરોપ લગાવ્યો હતો કે બલૂચિસ્તાનમાં નિર્દોષ લોકોને બળજબરીથી ગુમ કરવા અને ગેરકાનૂની હત્યાઓ પાછળ પાકિસ્તાનની લશ્કરી સંસ્થાનો હાથ છે. એક રિપોર્ટમાં દાવો કર્યો છે કે દેશના રાજકીય પક્ષો, સરકાર, ન્યાયતંત્ર આ ગુનાઓને સમર્થન આપી રહ્યા છે.

આ પણ વાંચો: જાણો શા માટે ડેન્માર્કના લોકો અન્ય દેશોમાંથી બાળકોને દત્તક લઈ શકશે નહીં