Web Analytics Made Easy - Statcounter
Home Videos Latest News Web Story

ગુજરાત સરકારે ઇમ્પેક્ટ ફી મુદ્દે ખૂબ જ મહત્વનો નિર્ણય લેતા ઇમ્પેક્ટ ફી ભરવાની મુદ્દતમાં વધારો કરવામાં આવ્યો છે. ગુજરાત સરકાર દ્વારા ઇમ્પેક્ટ ફી ભરવાની મુદ્દતમાં સતત ત્રીજી વખત વધારો કરતાં હવે વધુ છ મહિનાની મુદ્દત લંબાવવામાં આવી છે. 

સતત ત્રીજી વખત મુદ્દતમાં વધારો કરાયો 

છેલ્લા કેટલાક સમયથી ઈમ્પેક્ટ ફી મામલે અરજી કરવામાં મુશ્કેલી ઉભી થતી હોવાની લોકોની ફરિયાદ હતી અને લાંબા સમયથી ઈમ્પેક્ટ ફી ભરવાની મુદ્દત લંબાવવાનો વિચાર થઈ રહ્યો હતો ત્યારે હવે રાજ્ય સરકારે ઇમ્પેક્ટ ફી ની મુદ્દત વધારવા માટે મહત્વનો નિર્ણય કર્યો છે જેમાં બિનઅધિકૃત ગેરકાયદેસર બાંધકામો ફી ભરીને કાયદેસર કરવા માટેની ઇમ્પેક્ટ ફી ભરવાની મુદત વધુ 6 મહિના લંબાવાઇ છે. ઈમ્પેક્ટ ફી ભરવાની મુદ્દતમાં સતત ત્રીજી વખત મુદ્દતમાં વધારો કરવામાં આવ્યો છે.

આવતીકાલે ઈમ્પેક્ટ ફી ભરવાની છેલ્લી તારીખ હતી 

ગુજરાતમાં ગેરકાયદેસર બાંધકામને ઈમ્પેક્ટ ફી ભરીને કાયદેસર કરી શકાય છે. આ પહેલા પણ બે વાર સરકાર દ્વારા ઈમ્પેક્ટ ફીની મુદ્દતમાં વધારમાં આવી હતી ત્યારે રાજ્ય સરકારની ધારણા કરતાં ફી ભરવામાં ઓછો પ્રતિસાદ જોવા મળતા શહેરી વિકાસ વિભાગે ઈમ્પેક્ટ ફી ભરવા વધુ છ મહિનાનો વધારો કરવાનું જાહેરનામું બહાર પાડ્યું છે. ઈમ્પેક્ટ ફી ભરવાની છેલ્લી તારીખ 17મી ડિસેમ્બર એટલે કે આવતીકાલ સુધીની જ હતી. 

આ પણ વાંચો: અમદાવાદ બસપોર્ટ પર આધુનિક મશીન મૂકાયા,જાતે એડવાન્સ ટિકિટ બુક અને રદ કરો