Web Analytics Made Easy - Statcounter
Home Videos Latest News Web Story

અરજદાર વર્ષ 2021 થી અત્યાર સુધીની વિગતો રજૂ કરે - હાઈકોર્ટ

કબ્રસ્તાન માટે જગ્યાની ફાળવણી કે ફંડ આપવા મુદ્દે એએમસી ધાર્મિક ભેદભાવ કરે છે તેવા આક્ષેપ સાથે હાઈકોર્ટમાં પીઆઈએલ

આ નાણા લોકોના ટેક્સના છે, તેના ઉપયોગમાં કોઈ એક ધર્મને પ્રાધાન્યતા આપી ન શકાય - અરજદાર

સ્માશન ગૃહ અને કબ્રસ્તાન કે અન્ય પ્રકારની દફનવિધિ માટે જગ્યાની ફાળવણીથી લઈ ફંડ આપવા સહિતની બાબતોમાં અમદાવાદ મ્યુનિસિપલ કોર્પોરેશન (એએમસી) દ્વારા ધાર્મિક ભેદભાવ કરવામાં આવી રહ્યો છે, તેવા આક્ષેપ સાથે હાઈકોર્ટમાં જાહેરહિતની અરજી કરવામાં આવી છે. સુનાવણી બાદ, હાઈકોર્ટે અરજદારને નિર્દેશ આપ્યો છે કે, વર્ષ 2021થી અત્યાર સુધીની વિગતો કોર્ટના રેકર્ડ પર મુકો અને આ વિગતો 28 ઓગષ્ટ સુધીમાં રજૂ કરો.

સુનાવણી દરમિયાન, અરજદારના વકીલની રજૂઆત હતી કે એએમસી દ્વારા કબ્રસ્તાન અને અન્ય પ્રકારની દફનવિધિ માટે લઘુમતિ સમુદાયને અન્યાય કરાઈ રહ્યો છે. એએમસીના તંત્ર દ્વારા માત્ર સ્મશાન ગૃહ માટે જ ફંડની ફાળવણી કરાઈ રહી છે. કબ્રસ્તાન કે અન્ય પ્રકારની દફનવિધિની કામગીરી માટે જગ્યા કે ફંડની ફાળવણી કરવામાં અન્યાય કરાય છે. આ નાણા પ્રજાના ટેક્સના છે. સત્તાધીશો તેનો ઉપયોગ કોઈ એક ધર્મ, સંપ્રદાય કે સમુદાયના માટે ઉપયોગમાં લઈ ન શકે. આ નાણા દરેક માટે ઉપયોગમાં લેવા જોઈએ.

આ પણ વાંચો : ગીર અભિયારણ્યમાં સિંહ સહિતના વન્ય જીવોની સુરક્ષા મુદ્દે યોગ્ય નીતિ બનાવવાની માંગ