Web Analytics Made Easy - Statcounter
Home Videos Latest News Web Story

અમદાવાદના થલતેજ વોર્ડમાં રુપિયા દસ કરોડના ખર્ચથી 30 ઈન્ડોર બેડની સુવિધા સાથે કોમ્યુનિટી હેલ્થ સેન્ટરનો આરંભ કરાયો છે. બે મેજર અને બે માઈનોર ઓપરેશન થિયેટર સહિતની આરોગ્ય સુવિધા લોકોને મળશે.

થલતેજ વોર્ડમાં પબ્લિક પ્રાઈવેટ પાર્ટનર્શીપના ધોરણે ત્રણ માળના તૈયાર કરવામા આવેલા કોમ્યુનિટી હેલ્થ સેન્ટરને કેન્દ્રના ગૃહમંત્રીએ ખુલ્લુ મુકયુ હતુ. ગાયનેક  ઓ.પી.ડી.ઉપરાંત સોનોગ્રાફી અને એકસ-રે રુમ સહિતની અન્ય આરોગ્યલક્ષી સુવિધા ઉપલબ્ધ કરાવવામા આવી છે. 30 ઈન્ડોર બેડ પૈકી 15 સ્ત્રી અને 15 પુરુષ માટેના બેડ ઉપલબ્ધ કરાયા છે. ડાયાલીસીસની સુવિધા ટૂંક સમયમાં પાંચ બેડ સાથે શરુ કરવામા આવશે.આંખના નંબર ઉતારવા માટે તેમજ એમ.આર.આઈ.મશીનની સુવિધા પણ દર્દીઓ માટે પુરી પાડવામાં આવશે. બાળ રોગ ઉપરાંત ચામડીના તેમજ આંખ,કાન અને ગળાના દર્દીઓ માટે આરોગ્ય સેવાઓ આપવામાં આવશે.

આ પણ વાંચો: ગુજરાતથી અયોધ્યા દર્શને જઈ રહેલ ટ્રેન પર પથ્થરમારો, મહિલાને પહોંચી ઈજા